Musk heq dorë nga blerja e Twitter

00:13 | 9 Korrik 2022
Trina Galanxhi

Oferta e zhurmshme prej 44 miliardë dollarësh e Elon Musk-ut për të blerë kompaninë e medias sociale Twitter po shkon në prag të dështimit, pasi shefi ekzekutiv i Tesla-s i dërgoi një letër bordit të kompanisë Twitter, ku shkruante se kërkonte të hiqte dorë nga blerja.

Twitter-i nuk iu përgjigj menjëherë një kërkese për koment.

Nuk është plotësisht e qartë nëse bordi i Twitter-it do të pranojë shumën prej 1 miliard dollarësh që zoti Musk do të ishte i gatshëm të paguante në rast prishjeje të marrëveshjes, apo nëse do të ketë një betejë gjyqësore mbi këtë çështje,

Ky është zhvillimi më i fundit i një sage mes njeriut më të pasur në botë dhe një prej platformave më me ndikim të medias sociale. Pjesa më e madhe e dramës është zhvilluar në Twitter, ku zoti Musk, i cili ka më shumë se 95 milionë ndjekës, është ankuar se kompania nuk po arrinte të përmbushte potencialin e saj si një platformë e fjalës së lirë./zhurnal/

Shpërndaje në rrjete sociale

Lajmet më të lexuara

Të ngjashme

Foto lajm